体育新闻主播丨伍晃荣离世16周年坟墓将要「移民」 昔日徒弟冯坚成伍家谦撰文怀缅| 港生活- 寻找香港好去处

同场加映： 中年好声音2丨颜米羔离婚投资失利陷中年迷失认任性放手一搏：为妈妈争番啖气

伍晃荣逝世16周年，他昔日合作过的拍档都有怀念他。伍家谦一如每年传统，撰长文写下跟伍晃荣的回忆，并分享两人的合照。

早排半夜爬起身睇利记，突然谂起一件小事，正好提醒我突然又已一年。

2005年欧联决赛利物浦神奇反胜AC米兰，相信好多人都记得，包括我；除咗场波，我仲记得同晚有马跑，系少有慨星期三跑沙田，仲要十场。

嗰个年头，巫斯义冼毅力韦达都仲骑紧，我就仲未开始玩马仔；唔玩又点解会记得当日咁多detailssss呢？就当然系拜波马双绝慨伍生所赐🤡

记得赛前几日渠已经话定收工要喺将军澳去沙田好远。星期三晚跑马，场波就香港时间星期四凌晨(亦都可以理解做星期三深夜)踢，嗰晚我系返通宵慨；十场要跑到成11点几，我喺返紧工慨途中收到渠电话：

渠：「今晚欧联决赛喎。」

我：「系呀，我知道要即刻update个赛果㗎喇。」

渠：「唔系讲呢样。我唔该你，踢完半场打嚟叫醒我起身睇波吖，唔知方唔方便呢。」

*****分隔线*****

半场先起身，冇错过到场波最精彩慨部分。

年代久远，单凭记忆，希望冇写错。以往分享慨可能多数系伍生比较严肃慨面向，不过，上文讲慨呢啲轻松时刻其实为数不少；喺嗰段不长不短慨岁月，我真系过得好开心，好开心。

您离开16年，相处点滴记忆犹新，教诲依旧铭记于心；我谈唔上有咩成就，但若果唔系有您，我肯定唔会系今日慨我。多谢您当日冇嫌弃一个讲多过做，不知天高地厚慨细路仔。

由blog慨年代嚟到今日，我希望每年都可以写一次。时移世易，电视新闻送饭慨年代过去，取而代之慨系边夹餸边玩电话；体育新闻呈现慨方式唔同咗，香港人对本地运动员慨关注多咗。年月如白驹过隙，就连早几日喺街上面有位朋友搵我影相都话我系渠哋少年时代慨集体回忆(好彩仲未系童年)，年轻啲慨朋友可能就未必太熟悉伍生喇。都系嗰一句：希望大家都会记得，香港曾经有一位很出色很出色的体育新闻报道员，于晚饭时间为我们带来许多欢乐，他，叫伍晃荣。

YouTube有唔少渠慨精彩报道㗎，绝对值得睇下。

又到奥运年，有幸收到一啲工作邀请，由衷感谢；提醒自己，无论咩岗位，都秉持住渠慨教导，做好自己应该做慨事。

#波系圆慨#伍晃荣

除了伍家谦外，资深体育新闻报道员冯坚成都有挂住师傅，并到其坟墓前带备热奶茶拜祭，他感慨道：「以后可能要去美国拜了。#伍晃荣#阿盲也移民#眨眼16年」似乎暗示他的坟墓将会跟随家人移民美国再入土安葬。由于据消息指当时伍晃荣是土葬，所以有网友追问是否整个棺材搬去美国，不过冯坚成就未有回应。随后，冯坚成都有分享多张伍晃荣的照片及剪辑影片，希望大家多多怀念这位出色的体育记者，其中几张更是伍晃荣跟足球评述员林尚义的合照，更有两人的签名，两人在2006年世界杯难得同场。冯坚成说：「阿盲与阿叔，有今生，无来世！」